Chèscia de is Hostess Meridina: "No a sa talla 42 obrigatoria"

Pesat sa chèscia intra de is assistèntis de bòlidu de sa cumpangia de is aparèchius Meridiana Fly, chi sa dirigèntzia ddas at "cumandadas" una dieta chi ddas permitat de si ponni sa bistimenta noa talla 42. Una pregonta distinghidora e chi no fait a dda baliai po is hostess chi ant giai cuncordau una petitzioni e scritu a s' Aga Khan su Printzipi e a Ugo Capellacci su presidenti de sa Regioni Sardinnia

OLBIA - Is traballadoris chi bolant si funt furriaus a is tallas tropu piticas (40/42) inditadas de sa dirigèntzia, comenti a cussas chi imperant is de Air Italy, e scriint a s'Aga Khan su Prìntzipi, chi est su meri, e a Ugo Capellacci su Presidenti de sa Regioni. Is hostess, chi tenint po sa maioria una edadi de 42 annus, ant giudicau is detziduras de sa cumpangia "noxili meda de sa dinnidadi de is fèminas, sessistas e distinghidoras meda e chi no faint a ddas proponni siat po arrexonis èticas, de arrespetu de su traballadori, siat fisiologicas".

Sa petitzioni. "S'imperu de sa bistimenta Air Italy - si lìgit in sa Petitzioni portat a innantis in custas diis de is traballadoris e giai lompia a 317 firmas - bessit pagu giustu a su profilu de edadi de is chi dda portant. Preguntaus duncas chi no bengat fata nisciuna norma chena de arrespetu, apitzus de is tallas de is bistimentas de traballu e de sighiri a imperai cussas chi teneus giai, ca sa sobriedadi e sa manera de portai funt calidadi printzipalis de s'incarrigus chi sues fendi. Incarrigu chi, passendi su tèmpus, ddu ant fatu sèmpiri prus grai cun carrigus de traballu e cosas de fai in prus, tanti de ddu fai bessiri stesiau meda de cussu stereotipu becciu de hostess-mannequin chi sa Dottora (Ceolin, nda) pigat a esempiu e chi duncas connoscit àteras calidadis, prus pagu de moda e prus scìapidas".