Germània, sardu bocidu pro unu certu a pitzu de sos mundiales

anover, bocidu unu disterradu sardu pro una cuntierra a pitzu de sos mundiales de fùbbalu. A Franco Siccu de San Vero Milis e in Germània dae tempus, dd’ant bocidu cun unu corpu de pistola acabende una cuntierra cun unu tzitadinu tedescu a pitzu de su fùbbalu, de sos tìtulos mundiales bintos dae s’Itàlia e dae sa natzionale de su logu. Ferta un’àtera pessone chi fiat sètzida in su bar paris a Siccu, un’àteru disterradu de orìgine campana. S’òmine est posca mortu in ospidali.

HANNOVER – Fiat sètzidu in su bar paris a unu amigu campanu, pitzaiolu comente a issu etotu. Franco Siccu, difatis, dae paritzos annos faghiat sas pitzas in unu locale cun su nùmene craru meda: Little Italy. Teniat 47 annos, una famìlia e unu traballu chi li cunsentiat de campare bene, s’esperièntzia de disterradu in Germània, ue fiat lòmpidu dae San Vero Milis unos cantos annos a oe.

Eris a mangianu una cuntierra cun unu tzitadinu tedescu l’est costada sa vida. Paret chi sa cuntierra a pitzu de su fùbbalu fiat forte meda, comente ant contadu paritzos testimòngios. Sos italianos in defensa de sos tìtulos mundiales bintos dae sos asulos, mentras su tedescu no aiat ingurtidu sa bìnchida de s’Itàlia contra a sa Germània in su 2006, cando fiant meres de domo.

Pariat totu apaghiadu cando su tedescu si nche fiat andadu, essende dae su bar cun una iscusa. Ma est istadu unu iscàmpiu. S’òmine torrat cun una pistola e cun custa bocit a Franco Siccu e ferit a s’àteru italianu. Como ddu chircant in totu sa Germània, cun sa neghe de omicìdiu curposu pro unu certu a pitzu de su fùbbalu.

Ultimo aggiornamento: 07-07-2010 16:40

Progetu realizadu cun s'agiudu de sa Regione Autònoma de Sardigna
L.R. 26/97 subra sa limba e sa cultura sarda