Pinnicu de su campu Rom a Casteddu. Su pranu de is istitutzionis

Aìnturu de su 2 de su mesi de argiolas de su scabudu de s'area, intantis si pensat a su logu aundi ponni is 29 famillias in s'àrea manna. Is istitutzionis cun s'agiudu e s'apoderu de sa Caritas, traballendi po is polìticas sotzialis chi afiantzint s'stichida sotziali de sa minoria etniga chi at a scabudai sa zona de Biali Monastir.

CASTEDDU - Una tenta chi bit de acordiu sa Provìntzia, su Comunu e sa Regioni: unu pranu po su scabudu de su campu rom de Biali Monastir. Zedda su sìndigu, apustis de essi firmau s'ordinantzia chi at a cunsentiri su scabudu de s'area, at nau chi in tempus lestrus at a essi bonificada sa zona. "Sa finalidadi de custa oberatzioni est de impunnai a s'autonomia e a s'indipendentzia po custas famillias". Is nùmurus. Is personis chi bivint in su campu funt 157, beni 93 funt minoreddus. Unu fundu regionali de 579 milla èurus iat a depi essi imperau po is traballus de trasladu de 29 famillias, apustis po faifai is traballus de bonìfica. Is istitutzionis duncas ant a providiri a agatai una domu chi impunnit a s'arrangiai a solus po is famillias pinnicadas e ddas ponni in s'hinterland de sa tzitadi. Calincunu nùcleu familliari, chi no funt in d-unu stadu de strobu econòmicu, ant giai firmau is cuntratus de locatzioni. Chini invecias no at a arrennesci a ddu pagai at a essi agiudau de sa Caritas. "Su campu est sèmpiri stetiu una zona de firmada a tempus e de meda femus pensendi a su pinnicu" cumentat Zedda. "Puru chi si "pinnicu" est unu fueddu sballiau bistu chi sa parti prus manna de is famillias ant azteau de bonu gradu de scabuai s'area de Biali Monastir. Meda pagus ant nau de bolli abarrai". Sa fueddu d'òrdini abarrat comuncas "stichida sotziali". Ddu at torrau a nai Don Marco Lai, diretori provìntziali de sa Caritas, po arregordai a totus chi est netzessariu apoderai su scabudu de su campu cun polìticas sotzialis giustas. "Seus agoa arrespetu a is normadias europeas chi amparant is minorias etnigas, duncas tocat a s'allinea a is àterus Stadus, de manera de garantiri una bera stichida sotziali".

Mauro Loddo

Progetu realizadu cun s'agiudu de sa Regione Autònoma de Sardigna
L.R. 26/97 subra sa limba e sa cultura sarda