Microcrèditu, fortzis in cabudanni sos finantziamentos noos
Cun referimentu a sa nova publicada dae unos cantos òrganos de informatzione, a pitzu de torrare fortzis a aberrere su Fundu Microcrèditu FSE pro sas impresas de sa provìntzia de Aristanis, s’assessore regionale de su Traballu, Franco Manca, ponet piessinnos chi sas valtaztiones subra de atos de cussa genia ant a pòdere èssere fatas feti inghitzende dae cabudanni, cando ant a fàghere sos contos de su provedimentu de immoe..
CASTEDDU – “Lunis passadu – at naradu s’assessore Manca – in unu atòbiu ufitziale ue ddoi fiant fintzas su presidente e s’assessore de su Traballu de sa Provìntzia de Aristanis, Massimiliano De Seneen e Alessandro Murana, est essida a pìgiu una pregunta subra de sa serrada de su Fundu Microcreèditu, pro neghe de sa barigada de sos plafond de prus de 41 milliones de èuros (lompende fintzas a 47 milliones). Est istadu ispiegadu a sos rapresentantes de sas oto amministratziones provintziales chi, sa Sfirs acabadu chi apat sa fase istrutòria de sas dimandas arribadas, at a èssere possìbile contare si e cantas resursas sunt galu a disponimentu pro onni Provìntzia. Feti tando diamus a tènnere una idea pretzisa de sa situatzione.
Previsiones pro su benidore. Su cunfrontu de lunis passadu est istadu amistantzosu, presidentes e assessores provintziales ant atinadu a sa netzessidade de averguare cantas dimandas tenent sos rechisitos pro èssere ammìtidas e cantas nono. Intro de su mese de cabudanni chi intrat amus a èssere a tretu de fàghere sos contos e mancari de torrare a aberrere su bandu fintzas a nche lòmpere a su plafond istantziadu dae sa Regione: a como, difatis, sa Provìntzia de Aristanis at coladu de meda sa cuota intregada a issa. Sende gasi, est interessu fintzas de sa Regione de acuntentare su prus de sas impresas mèdias e piticas sardas”.
Progetu realizadu cun s'agiudu de sa Regione Autònoma de SardignaL.R. 26/97 subra sa limba e sa cultura sarda
